Back Dálnice A21 (Německo) Czech Bundesautobahn 21 Danish Bundesautobahn 21 German Bundesautobahn 21 English Germana aŭtovojo A21 Esperanto Bundesautobahn 21 French A21-es autópálya (Németország) Hungarian Bundesautobahn 21 Italian アウトバーン 21 Japanese 아우토반 21호선 Korean
De Bundsautobahn 21 (Afk.: BAB 21 oder ok A 21) is en Autobahn in Noorddüütschland, mit en Gesamtläng vun opstunns 52 Kilometer. To Tiet föhrt de A 21 vun’t Autobahnkrüüz bi Bartheil an de A 1 bit na Wankendorf , wat op’n halven Weg vun Bad Sebarg na Kiel liggt. Dor geiht se in de B 404 över, de bit na Kiel wieterföhrt. De A 21 is aver lang noch nich fardig. Se schall in’n Noorden bit na Kiel in’n Süüden bit na de A 250 utboet un verlängert warrn.
Na’n Endutbo warrt de A 21 bi Bad Sebarg vun de Oostseeautobahn, de A 20, krüüzt warrn, de vun’t Krüüz Lübeck ranföhrt. Wenn de Streck bit na de A 250 – de laterhen Deel vun de A 39 warrn schall – fardigstellt un ok de Verlängern vun de A 39 vullstännig is, gifft dat en dörgahn Streck vun Soltgitter bit na Kiel, de parallel to de A 7 verlöpt un dordör sünners den Ruum Hamborg düütlich entlasten kann.